Могільнік размешчаны на ўсходняй ускраіне вёскі на высокім марэнным узгорку, які пачынаецца на захад ад дарогі, якая праходзіць праз усё сяло, паміж дамамі №2 і №4. Паўднёвая частка пашкоджана кар'ерам памерам 30 м. х 15 м.
На ўзгорку захавалася пяць надмагілляў памерам ад 30 х 30 да 60 х 30 см. Акрамя надмагілляў знешніх прыкмет пахаванняў няма. Пляцоўка, на якой размешчаны магілы, разварочана. Акрамя таго, на ўзгорку зафіксавана раскапаная яма памерамі 180 х 50 - 150 см, глыбінёй 60 см. Паўночна-заходняя частка помніка пашкоджана ляснымі пасадкамі.
